DONASIES VIR KAMPE:
Klik hier vir bankbesonderhede en algemene inligting oor kampe>>

KAMP 13 : 18-19 Oktober 2014

Ons 13e kamp vir gestremde persone vind plaas 18-19 Oktober 2014. Daar is alreeds heelwat navrae vir die kamp. Persone wat nog nie voorheen gekamp het nie, sal voorkeur kry.

Klik hier om die inskrywingsvorm af te laai >>
 

Algemene inligting

1. Die kamp kan bygewoon word deur enige persone, bo 18 jaar, wat dit sinvol sal vind, ongeag die aard van die gestremdheid.

2. Elke gestremde persoon moet vergesel word van ‘n helper om bystand te verleen met rondbeweeg en persoonlike versorging.

3. Die kamp se inhoud maak voorsiening daarvoor dat enige iemand van enige denominasie gemaklik sal voel. Daar sal baie tyd spandeer word aan Geestelike diepte en lofprysing, maar daar sal ook tyd wees vir speel en pret.

4. Die kamp word gehou by Deo Volente Bush Adventures (besoek www.dvadventures.co.za), ongeveer 40km buite Pretoria op die Moloto-pad (Kwamhlanga).

5. Persone wat die kamp bywoon is verantwoordelik vir eie vervoer.

6. Kampers moet 8h00 Saterdagoggend arriveer, en die kamp sluit ongeveer 14h00 Sondagmiddag af.

7. Die kamp word aangebied deur Willem Botha en vriende.

8. Daar is geen kampkostes nie. Alle kostes word gedek deur donasies. Ons moet egter goeie bestuurders wees van die donasies wat aan ons toevertrou word, en daarom vra ons dat jy jou bespreking as bindend sal beskou, en nie sal kanselleer nie. Indien iemand nie opdaag nie, moet ons steeds die koste van R400 per persoon oorbetaal aan Deo Volente, en ontneem ons ‘n ander gestremde persoon van die geleentheid om die kamp by te woon.

9. Waar van toepassing moet kampers self voorsien in spesiale dieëtbehoeftes en mediese behoeftes.

10. Die terrein is redelik toeganklik vir rolstoele en persone wat moeilik beweeg.

11. Slaapplekke is in gemeenskaplike kamers. Onthou, ons gaan nie baie tyd hier spandeer nie!

12. Daar is genoeg storte en toilette, maar wat nie noodwendig doelgemaak is vir gestremdes nie.

13. Die groot saal is maklik toeganklik vir rolstoele; etes en besprekings word in die saal gehou.

14. Hoewel deelname sterk aangemoedig word, is geen aktiwiteite verpligtend nie.

15. Die kamp word op eie risiko meegemaak.

16. Geen alkohol word op die terrein toegelaat nie.

17. Om jou plek op die kamp te verseker, voltooi asb so gou as moontlik die inskrywingsvorm (klik hier daarvoor >>), en e-pos of faks na die onderstaande nommer.

Verdere navrae en besprekings:

Stuur 'n e-pos na wilna@heuning.co.za of faks: 086 518 0838